اخر العناوين

السبت، يونيو 02، 2012

هااااااااااااااااي

السلام عليكم ورحمة الله

حيا الله الزوار وحيا الله من لفا

تدرون وش احلى شئ اني جالس بالمكتب تحت المكيف والطلاب بالميدان هروله وتعب وقرف ويالوح وياحمار ويا معتوه ومن هالالفاظ وجالس اكتب لكم
بس مدري وش اقول لكم من هالصباح لك اتمنى للي عنده اختبار ان ربي يوفقه واللي جالس يدور وظيفه ان الله يرزقه
واللي طفشان ويفرفر النت وما يدري وش يسوي احسن له يروح يسدحها نومه

تذكرت شئ قبل اطس اكمل الخطابات للنقيب
يوم الثلاثاء توفى والد العقيد القريني اسال الله يرحمه ويتغمده بواسع رحمته طبعا القريني هذا جاء عندنا شهر بصراحه كان احسن شهر بحياتي عرفت وش معنى عسكري عرفت العسكريه اخذت شوية دروس من الصاعقه طبعا عقيد وبالدفاع المدني اكيد الكل بيقول دب وكرشه لا بصراحه ذا ميداني بحت ونحيف وكفو عسكري بمعنى الكلمه وكان احسن شئ ان جدوله منظم وياليت انه جلس معنا الى اخر الفتره لكن الحمدلله على كل حال

اخر شئ : الاسبوع هذا اختبار مشاه ورياضه والاسبوع القادم اختبار مواد دراسيه
وبعدها اسبوع اجازه
وبعدها اللي مسجل على منطقة مكه يروح نصفهم الى الشرقيه ونصفهم الى القصيم وبالنسبه لي بجلس بالميدان حسب الطلب اني اصير مدرب ميداني وقلنا تم لاني رقيب سريه طبعا الحمدلله سريتي لها اربع مرات متتاليه تاخذ المركز الاول ترى ما ينفع الا الشده عشان كذا حصدنا واخذنا الاول  السرية التاسعه فديتها
وطلعنا الاسبوع الماضي الساعه 7 الصباح وباقي السرايا طلعت الساعه 12 الظهر

والسلام عليكم ايها الزوار

ليست هناك تعليقات: