قصيدة دموع الشوق

وجودي بعد ماقفت ضعونه ودمعت عيناه         
          حزين ودمعته من فوق خده برقها ساني
عسى الله لايبارك في زمان حسه وبكاه         
          وانا ادري من كثر حزنه بكت عينه على شاني
دخيلك يازماني لاتعودني على فرقاه         
          تراني صابر ودموع عيني تحرق اوجاني
لقيت اللي لقيته في حياتي مستحيل انساه         
          على طاري الزمان اللي سقاني كاس حرماني
كفاني مالقيته من زماني يوم انا وياه         
          تراني مانسيت اللي من الايام قد جاني
الا يالله لاتقطع رجاء من صاحبه خلاه         
          دخيلك ياكريم الجاه موتي بين ضلعاني
شكالك واحد ماذاق حلو الشهد في دنياه         
          ولا عاش السعاده لحظة في عمره الفاني
يفز القلب يوم اسمع سوليف تجي بطرياه         
          واقرب واطلب من اللي يسولف عيدها ثاني
فضحني شوقي وبعدي يزيد الشوق في لقياه         
          ولا ادري وش اسوي بعد ماقفا وخلاني
رحيلي عن حياته مالها معنى يكون ارضاه         
          وانا اللي من سبب بعده بوسط القلب بركاني
عسى الله لايخلي واحد من صاحبه بلواه         
          حياته كلها مابين هم وغم واحزاني
قطع عني مراسيله وانا اللي عايش بذكراه         
          وانا اللي ما هقيت انه مع الايام ينساني
قسم بالله لو طال الزمن ياصاحبي منساه         
          ولا انسى عشرته مادام دمي وسط شرياني