اخر العناوين

الاثنين، نوفمبر 07، 2011

صباحك غير لانك حياتي

صباحك يا الغلا نوير         
           صباح البشر والتبشير
لأنك يا حياتي غير          
           حبيبي مرحبا وأهلا
:
ابحكي لك وابي تفقه          
           حسبت الحب ذا صفقه
نهيت القلب في عشقه          
           وقال ابد(ن)..ولا..وكلا
:
ذبحني الشوق بغيابك          
           خذاني لك ولي جابك
وقف قلبي على بابك          
           ألا يا شوق كيف اسلى
:
احبك والغلا يشهد          
           وقلبي بغيركم يزهد
عسى بنيانهم ينهد          
           إذا لغيرك غلا يعلى
:
عشقتك والعشق غلاب          
           فتحت لحبك الأبواب
دخلت بخافقي تنساب          
           عساني منك ما ابلى
:
زرعت بقلبي الافراح          
           معاكم دايم (ن) مرتاح
لأنك بالهوى ذباح          
           حياتي لك وبك تحلى
:
عساني ما انحرم منك          
           ولا ابعد ثانية عنك
مشاعر خافقي جنك          
           فديتك اهلا وسهلا

كلمات الشاعره دهن العود

ليست هناك تعليقات: