اخر العناوين

الاثنين، نوفمبر 07، 2011

عطني وفاك و صادق الحب يدعيك

أغليك يا اللي مالك روح مغليك        
           حبك سلب عقلي وثور غرامي
من شافتك عيني و أنا قول لبيك        
           هاك الفؤاد و هاك عالي مقامي
وهاك القصيد و داعبه بين أياديك        
           وأضحك معه لا يغتشيه الظلامي
يا نور عيني لو تغيبت ابكيك        
           وأنثر عليك الدمع وأعلن هيامي
عطني وفاك و صادق الحب يدعيك        
           وأعطيك قلب في ثرا الجد ضامي
أضحك معي قلي ترى الروح تفديك        
           قلي كلام حلو و أسمع كلامي
ولهان أنا للحب دايم أناجيك        
           يمر لي طيفك في لذة المنامي
ايوالله أنك في خفوقي وأراعيك        
           ساكن بوسط الجوف ما دمت سامي
أغليك حتى لو تغليت ابغليك        
           مدامك أول شخص داعب غرامي



كلمات الشاعر عبدالله بن احمد
http://abyat.com/poem/2379
إرسال تعليق